Өлеңдер ✍️
  24.05.2022
  144

Автор: Ибрагим Иса

Түнгі өлең

Шаршамай жүрген кезімде,
Ұйқы да қанық болатын.
Қарайды әйнек көзінен, –
Қап-қара түн,
қара түн!
Қалды ғой сол бір күн алыс,
Кеудеме қайғы толатын.
Тек қана сенсің жұбаныш,–
Қап-қара түн,
қара түн!
Мұңайып досым қаларда,
Лебізім демеу болатын.
Қол ұшын берер маған да –
Қап-қара түн,
қара түн!
Ызғырық соғып, боран да
Жолымды қармен жабатын.
Жылу бер қымтап маған да,
Қап-қара түн,
қара түн!


  өлең Түн Ибрагим Иса өлеңдері Ибрагим Иса

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қонақ ᐈ
  Терезе. Стол. Алаша. ᐈ
  Күзгі орманда ᐈ
  Не үшін? ᐈ
  Деревнядағы түндер ᐈ

Пікір жазу