Өлеңдер ✍️

Жаңа жылды қарсы алып толғанамыз,
Сезімдердің пернесін қозға, Наурыз!
Күмбірлеші, домбыра, күмбір қағып,
Боз інгендей аңырап, бозда, қобыз...
Кісінейді арғымақ күлдір-күлдір,
Көк күмбезі жаңғырып күңгір-күңгір.
Дала төсі домбыра шанағындай,
Дүбірлетсе сәйгүлік – дүңгір-дүңгір.
Күмбірлеші, домбыра, күмбірлетіп,
Көк күмбезін жаңғыртып, күңгірлетіп.
Жүрек қылын шертші бір шымырлатып,
Жаратқаннан шуақ пен нұр тілетіп...
Саған қолын кезі кеп созған абыз,
Алға қарай еміндік қозғала біз.
Ғасырлардың өксігін, сағынышын
Бүгінгі елге жеткізіп, бозда, қобыз...
Дүр сілкінтші сөйтіп бір,
Нұрлы Наурыз,
Жарды бүгін жауқазын гүлің қауыз.
Күлім қағып көлбеңдеп айнамкөздер,
Құштарлығын жеткізсін құмбыл дауыс!