Өлеңдер ✍️

Толымды ұйқастар керек пе?
Ұл мұңды жыр бастар өрнектеп.
Ойқастар жер тарпып асау ат,
Байқастар сыр тартып азамат.
Жібердім сермеп кеп қолымды,
Жігерлі еңбек деп жолымды.
Бейбас жүр торып жол кес-кестеп,
Кей қас жүр өріп сол сезбестен.
Ұғар ма ой айтсам базына,
Ұнар ма молайтсам қазына?
Той бастар елпектеп асаба,
Шу бастар ербеңдеп мас адам.
Детектив – жазғаны дедектеп,
Етектей қағазды жентектеп.
Эссеге теңелді жай аңыз,
Есеге кенелді май ауыз.
Толымды ұйқастар керек пе?
Орынды қимас әр дерек те.
Осында күлкісіз күнім бар,
Осында ұйқысыз түнім бар.
Әр сәтім, әр күнім ұйқасар,
Бар дәтім, бар шыным ұйқы ашар.
Ұйқастар, ырғақты ұйқастар,
Жыр бастар, толғақты күй бастар!