Өлеңдер ✍️
Өлеңдер ✍️
21.05.2022
96
![](/uploads/shorttexts/author_image/dfjh-1-1000x.jpg)
Зерделеп ой жүгіртсең көңілменен...
Зерделеп ой жүгіртсең көңілменен,
Естіден есері көп өмір деген.
Қиындық көрмегендер қиястанып,
Жүруге әуес болар жеңіл-желең.
Естілер сөз түсінер, жас болғанмен,
Есердің жылуы жоқ бас болғанмен.
Буынсыз тіл – ақылдың құлы болса,
Бас жаруға бармас-ау, тас жарғанмен.
Түйсіксіз ортада мен жетімдеймін,
Жетесіз жекіргенге өкінбеймін.
Естімен бірге болсам тозақта да –
Тәңірден одан өзге не тілеймін.
Әлеуметтік желілерде бөлісіңіз:
Facebook | VK | WhatsApp | Telegram | Twitter