Өлеңдер ✍️

Тік қадалған бұлттарға сына басы
Мұнарасы Эйфельдің, мұнарасы.
Елжіретер əлемнің еркесі боп
Тұра берші мəңгілік құламашы.
Өзің жəйлі толғап ой түйіп бақсақ
Символысың биік ой, биік мақсат
Сұлу Париж есімін асқақтатқан
Қай биік бар өзіңмен иықтаспақ?
Бой көтеріп осыдан жүз жыл бұрын
Бір ғаламат биікті тұрғызды ұлың.
Есімі жақсы ісімен мəңгі қалып
Талай ақын арнады інжу жырын.
Айлы түнде жақұттар тағып алып
Құбыласың көздердің жауын алып.
Арудайын паш еткен əшекейін
Тіпті жайнап кетеді сəнің анық