Өлеңдер ✍️

Жайнап бір жаздай күл, күнім
Қауызын жарсын гүл-жырым.
Жастығың барда алаула
Оралып келмес бұл күнің.
Ажарлы мін жоқ көркіңде
Құрақтай құлпыр, желкілде.
Сұқтанған небір жігітті
Сабылтып қойсаң да еркіңде.
Түр десең түр де ақыл да
Бəрі бар бір басыңда.
Əлемдік Мисстің өзі де
Əдірем қалар қасыңда.
Макияж- бояу, жалған бет
Бір сəткі жылтыр жандар көп.
Саф сұлулығыңа сүйсінген
Арман жоқ менде арман жоқ
Өзіңдей сұлу жоқ басқа
Сұқтанғандарға от таста
Еркіңде бəрі еркіңде
Алданып бірақ шоқ баспа...