Өлеңдер ✍️

«Арманымыз көп қой біздің,
Көп әлі,
Өмір бойы тарта берсек жоғары»,
Дейміз- дағы,
Асып кетіп,
Жастықта
Қателікті те жібереміз шамалы.
Жастық барда,
Қызу барда бойдағы,
Көңіл жарқын,
Жүзімізде жайдары.
Бұзылмаса екен дейміз
Достық пен
Көңіл күйдің қою тұрған қаймағы.
Қандай жақсы
Тойға барған,
Тойлаған:
Ән- күй менен алау толы айналаң!
Қандай рахат
Таныстарың көп болып,
Оларды да еске алып бір ойлаған?!
Арманымыз қызық біздің,
Тым қызық,
Қанатына әкетеді мінгізіп.
Сол арманның алауынан
Қаламыз
Шабыттана балқып,
Шалқып,
Шын қызып.
Дәл сондайда
Көңіліңді жаралап,
Жатса біреу
Ту сыртыңнан қаралап,
Жетпей жатқан кемшілігің түк емес,
Асып кеткен қателігің жаман-ақ.