Өлеңдер ✍️

Өмір тағы біздерді жолықтырар,
Көз алдымда бір әсем көрік тұрар.
Жылдар өтер.
Таныстар бір-біріне
Баяғы жас күндердей өліп тұрар.
Не болмаса жастық пен қатар жалын,
(Алдын ала пәлен деп айта алмадым).
Уақыт сенің көркіңді кетіргенмен,
Өзгерте алмас ақынның қайсар жанын,
Қатыгездеу мезгілге кез келерсің,
Мүмкін сөйтіп өзің де өзгерерсің.
Алау жүз де нұрланып тұра бермес,
Көңіл куә,
Оны да көз көрерсің.
Жолыққанша қайта бір қош боларсың,
Мүмкін кездесе алмаспыз, кеш қаларсың.
Өкінішке құрылған өлеңдерді
Өз иесі деп еске аларсың.