Өлеңдер ✍️

Көлеңкеңді көрсетпей көгінен Күн
Төскейіңнің төсінен Өмір емдім.
Тұғырлы өлең тұма боп тұсында тұр
Ғұмыр деген ғажайып керуеннің.
Өрекпімей өр көңіл,
тұра тұрғын!
Қауырсыннан қаламы бір ақынмын.
Тағдыр біздің талқандай ұнтақталды
Азуында тіршілік — сұрапылдың.
Бұрылыста
бұрқасын бұрқағалы,
Жанарымнан жас болып жыр тамады.
Аман ердің шығады бір хабары
Қырық асқан,
қыр асқан қырқадағы...
Құлазиды құла дүз,
Құба белең,
Сынаққа алды,
Сындырды,
сынады әлем.
...Менің сүрген ғұмырым бір-ақ ғұмыр
Менің жазған өлеңім бір-ақ өлең...