Өлеңдер ✍️

Қызыл-жасыл босқа арбаған,
Дос дейтұғын дос қалмаған.
Қараулықтың қарау оғы
Қарауылдан тосқан заман.
Егілдірді ет-жүректі,
Кеудемізбен көк тіретті.
Күндер легі көшкен бұлттай
Басымыздан өтті, кетті.
Ақ сәулесі түнге алмасқан,
Ақ-қарасы күнде арбасқан.
Сағындырып,
Сабылдырып
Өтті, кетті жылдар бастан.
Көңіліңді көкке өрлеткен,
Өміріңді көктем деп пе ең?
Не тындырдың?..
бекіндірдің —
өкіндірдің өткен-кеткен...