Өлеңдер ✍️

Жыр жауған жылы күндерім —
Нұр жауған ғұмырымда едің...
Тұлпардың тұғырында едің
Бұлақтың тұнығында едің...
Жастығым — жасыл бақ,
Арман,
Жылдарда,
Ғасырда қалған.
Жаңаарқа Жазирасында
Баянның басында қалған.
Көз ашып көргенім еді,
Өлеңнің өрнегіндегі;
Есілдің толқынындағы
Көкшенің көлдеріндегі.
Сыр айтпай сырғалым қалды,
Мұнартты...
мұң қалыңдады;
Қаратау қатпарындағы
Алатау шыңдарындағы.
...Ойымды демесең бөтен,
Өзіңмен кеңесем,
Көкем,
Елсізде елеңдеп тұрамын
Мен сізге не десем екен?!..