Өлеңдер ✍️
Өлеңдер ✍️
16.05.2022
170
Аға, бүгін Ақ Жайығың сағынды...
Аға, бүгін Ақ Жайығың сағынды,
Ақ толқындар іздейді ұлын арынды.
Бұл күндері айтушы да сиреді
Сауық кеште «Еділ-Жайық» әніңді.
Қазір елде тұлпар тозды бәйгілік,
Есеп білсе, жабы озды жәй жүріп.
Кітабың да, жырларың да жетімдеу,
От пен сусыз дірдектейді Сайқұдық.
Ертеңгі күн көз алдайды сағымдай,
Өмір болса қысқа қамшы сабындай.
Қамыс та жоқ, ағыс та жоқ, тым-тырыс
Айдынынан аққу ұшқан Бағырлай.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇