Өлеңдер ✍️

Бес жасар қыз ұйқысынан оянды,
Анасындай бетке жақты бояуды.
Одан кейін еңіреп кеп жылады
Жұбанбады.
Түрі сондай аяулы.
Әкесіне қайта оқытты ертекті,
Кітаптағы суретке селк етті.
«Көйлегі ұзын, жаулығы бар осындай
Әже тауып беріңдер» деп жер тепті.
Жас келіншек сәби сөзін бөлмеді,
Осы еді оның ұзақ күнгі ермегі.
«СМС»-пен сыпылдатып саусағын,
Енесіне «Бүгін кешке кел» деді.
Ене келді,
Қысқа көйлек, шаш қара,
«Бұл әже емес», – деп жылайды жас бала.
Ертегіде өмір сүрген әжені
Енді қайдан тапсақ екен?..
Масқара!..