Өлеңдер ✍️

Бірге өткіздік әрбір күнді, әр айды,
Сеніменен бірге атқан таң арайлы.
Бүгін маған сәбиімнің жанары
Сенің тұнық көздеріңмен қарайды.
Күлімдесе жанарында нұр тұнды,
Сәл қамықса мөлдір тамшы іркілді,
Құлап тұрды, тірек іздеп қол созып,
Саған менің жүрегіммен ұмтылды.
Ол бір ермек жетіп жатқан күн-түнге,
Сонда сенің мінезің де, күлкің де.
Сен мені іздеп, мен сені іздеп жүзінен,
Қос махаббат соған ауды бұл күнде.