Өлеңдер ✍️

Сендік сенім жүрегімді алдаса,
Сенің маған іңкәрлігің болмаса,
Сағыныштан жанардан жас тамбаса,
Қызғаныштан көзімде алау жанбаса,
Махаббат жайлы жазбас ем.
Менің үшін ойлар кешіп торықпай,
Мені қайта жоғалтудан қорықпай,
Мұңайдым ба, қуандым ба, оны ұқпай,
Өте берсең әлде маған жолықпай,
Махаббат жайлы жазбас ем.
Өзіңменен көктем бағын кезбесем,
Өзге жанға ұқсамайтын өзгешем.
Қол ұстасып бірге жүрген кезде сен
Шын бақытты екенімді сезбесем,
Махаббат жайлы жазбас ем.