Өлеңдер ✍️
  15.05.2022
  142

Автор: Ақұштап Бақтыгереева‎

Сағындым, Жайық

Тыңдамай үнін ағынның
Құмары қанбас жанымның.
Жайығым менің – жарығым,
Сағындым сені, сағындым.
Сандуғаш шырқап жаңа әнді,
Бөлейтін сазға далаңды.
Бесігім болған ақ айдын,
Сағындым сенің жағаңды.
Тұтасып жатқан көк пен жер,
Туларға толы көк белдер.
Кетпейді көзім алдынан
Мұнара қонған беткейлер.
Даламның нөсер-жауынын,
Боранын, айқай дауылын,
Жайықтың ерке сылдырын
Сағынып жүрмін, бауырым.


  сағыну Жайық Ақұштап Бақтыгереева‎ өлеңдері Ақұштап Бақтыгереева‎

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Ақ сазан үркіп кеткен жайықтамын ᐈ
  Жайыққа ᐈ
  Жайығым, не жыр бастадың? ᐈ
  Жайық ᐈ
  Ақ жайық айдыны ᐈ

Пікір жазу