Өлеңдер ✍️

Сан түрлі ойлар санамды естен тандырды,
Жеткендеймін қысқа жолдың соңына.
Көп ұзамай аяу білмес тағдырдың
Түсетін де сияқтымын орына.
Әйтсе дағы қорқытпайды мені ажал,
Өсіп шығар қызғалдақтар көрімнен.
Өтінішім - өзің ғана азала,
Ақырғы рет сүйем сені ерніңнен.
Жыла менің жас моламның басында,
Білсін бар ел мұнда қыршын жас барын.
Тесіп өтіп топырақты, тасты да
Тамар, мүмкін, кеудеме ыстық жастарың.
Өртер сонда кеудемді ыстық жастарың,
Көріп келген туған жердің аспанын.
Жалын-шоқтай құдіретті сол жастан
Ерір, мүмкін, мұз боп қатқан жас жаным?..