Өлеңдер ✍️

Ойлар да жоқ,
Ешқандай сезім де жоқ,
Ұйқым келіп отыр, бәрін ұмыттым.
Алабұртқан баяғы кезім де жоқ,
Салқын тұрып суретіңді жырттым.
Терезеден лақтырдым.
Селт етпедім,
Сенің бейнең желменен ұшып кетті.
Келіп қалған сезімді сөйлетпедім,
Қаламым да қолымнан түсіп кетті.
Құрсын бәрі, тулама, сенгіш жүрек,
Ешнәрсеге егіліп толқымаймын.
Кешір, достар, кесемді тұңғыш рет
Шабытқа емес,
Шарапқа толтырамын.
Көкірегімнен қызыл өрт жүріп өткен,
Қайта оянған көктемгі өртеңдеймін.
Күзгі шөбі көңілдің күйіп кеткен,
От қоя бер,
Мен енді өртенбеймін.