Өлеңдер ✍️
  15.05.2022
  137

Автор: Аманхан Əлімұлы

Ұласар арты дауылға...

Ұласар арты дауылға,
Күміс жал жел-ай ысқырған.
Қымтанған тонды ауылға,
Келеді түсіп қыс қырдан.
Қалғиды қатпа тау, сілем,
Қытымыр қыстың бар табы.
Ұлыған қасқыр дауысымен,
Құбыр да ішін тартады.
Ей, жел-ай, үйді іргелей,
Түндікті қағып-сілікпе.
Ақыры артың жүрмегей,
Айналып шулы бүлікке.
Тірліктің ұғып жалғанын,
Күрсінді бала өрімдей.
Қарашы, тіпті, қалғанын,
Мысықкөз Ай да көрінбей.


  Дауыл Дауылға ұласу ҰЛАСУ Аманхан Əлімұлы өлеңдері Аманхан Əлімұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  Үміт оты жанбайды байқаса алдан... ᐈ
  Өлім хақ ᐈ
  Қарамай қара барқын рең басқа... ᐈ
  Қысқы көңіл күй ᐈ
  Сұп-суық сыпсыңдаған салқын күзгі.... ᐈ

Пікір жазу