Өлеңдер ✍️
  14.05.2022
  111

Автор: Ахмет Өмірзақов

Қолыма тимей бүтін оңашалық...

Қолыма тимей бүтін оңашалық,
Алдым-ау арманымды аласа қып.
Мен өлең бастар кезде, омыраулап
Төнеді тереземе таласа бұлт.
Күзде осылай, көктемде тағы осылай,
Уақыттың удай қымбат бағасын-ай!
...Жолын кесіп тұманның жонарқасы,
Аһ ұрады ақынға жанашыр Ай.
Қайсарлыққа бел буып анық бастан,
Көп қараушы ем шыңдарға жалықпастан.
Қашан мені қияға қондырады,
Уақыттарым –
Дырдудан алып қашқан?..


  Оңаша қалу Қол Ахмет Өмірзақов өлеңдері Ахмет Өмірзақов

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  Апаларым ᐈ
  Элегия ᐈ
  Бауырын тас парша-парша ғып... ᐈ
  Жүрек ᐈ
  Көзімдегі жасымды.. ᐈ

Пікір жазу