Өлеңдер ✍️

Булығып тұрып, ғаламат үн қатпақ шығар,
Ақпанның таңы бір сырды жұмбақтап тұрар.
Таң атпай шылым соратын кәрі солдаттай
Біздің ауылдың түтіні будақтап шығар.
Жиналмаса да тоң-қардың етегі тегі
«Көктем келер» деп ел көңілі көтеріңкі еді.
Көктемге жүкті осынау табиғат сынды
Жеңешем де осы көктемнен бөпе күтеді.
Көкірегінде бар жанның арман көктеген,
Бақытты мен де қарсы алам алдан беттеген.
Өксіткен талай өмірді осындай кезде
Айтқым келмей кетеді жалған деп те мен…