Өлеңдер ✍️

Шаршаған екем,
Бәрін де қойып, ауылым, мен саған кетем.
Мен саған кетем, талай күн аңсаған мекен.
Аңсаған мекен қалайша қарсы алар екен?!
Қия алмас кім бар?
Түкірдім сенің түріңе, Қуанбас Шыңдар!
Түкірмес едім, түкті де ұға алмапсыңдар,
Ұға алмапсыңдар, боқтыққа буаз бас мұндар.
Қайрылмай кетем.
Ұядан жеріп жоғалған байғыздай бөтен.
Соңымда қалған жалғызым - Ханқыздай көкем
Байғызын еске ап ақ жүзін айғыздай ма екен?
Далама барам.
Дертіме дәру, білмеймін, таба ма далам?
Өлсем де сонда өз елім, анама барам,
Анама барам, ашумен қарама маған...