Өлеңдер ✍️

Сағыныш жас іркілген жанарыммен,
Алатау асқарыңа қарадым мен.
Еркелеп асылсам да иығыңа,
Баспаймын биігіңді табаныммен.
Қайырмасы:
Аңсаған арман тауым,
Асқар тауым.
Айналдым қасиетінен,
Алатаудың.
Арманның сендей биік жетегінде,
Алатау жүрсем болды етегіңде.
Жыр етіп тауларыңды, кең далаңды,
Бабалар туын тіккен мекенінде.
Қараймын Алатаудың келбетіне,
Биігің «Гималаймен» теңдесуде.
Алатау шаттығыңа əн қосайын,
Сезімнің құшағында тербетіле.