Өлеңдер ✍️

Гауһар шамдай жарқыраған сəні үйдің,
Ақ отаудың, ақ орданың, бəр үйдің.
Бақыты да, байлығы да жарасар,
Қызығымен, қылығымен сəбидің.
Сəби келді өмірге қарсы алайық,
Сүйіншілеп ауылға жар салайық.
Ата-баба дəстүрін жалғастырып,
Шілдехана той жасап əн салайық.
Ұрпақтарға болмасыншы жат бесік,
Аналардың бақыты ғой ақ бесік.
Ауылымда ақ отаулар көбейіп,
Дүниеге сəби келді ашты есік.
Ақ отауда ақ босағаң тең болсын,
Əлди əн мен ақ бесіктер тербелсін.
Ата-ананың ақ тілеуі қабыл боп,
Ұл мен қызың бақытты боп ержетсін.