Өлеңдер ✍️

Қарттың толы кеудесі медаль екен,
Қандай ерлік еңбекке сыйлады екен.
Отанынына зор үлес қосса-дағы,
Отбасына қалайша сыймады екен.
Отан үшін жаныңды отқа сапсың,
Сол үшін де кеудеңе медаль тақтың.
«Баға алмаймыз» депті-мыс келіндері,
«Қартайғанда өзіңді Отан бақсын».
Жазылмаған заңдардың ережесі,
Теңшелмеген заманның терезесі.
Сыйғызбапты үйіне ұлы əкесін,
Коттедж үйде отырған немересі.
Отбасында қалмаған қарттың сыйы,
Əке жанын қажытқан қарттар үйі.
Жаһанданған заманның ұрпағынан,
Осы болды əкенің көрген сыйы.