Өлеңдер ✍️

Айтеке!
Оңтүстіктің күніндей, жан екенсіз шуақты.
Танысқалы сізбенен талай-талай су ақты.
Жарты ғасыр халықты шипажайдан күтесіз,
Сарыағаштан туатын Темірқазық сияқты.
Еңбегіңіз жырменен мыңжылдыққа жалғасты,
Алдыңыздан Айтеке, өтті небір марқасқа.
Зәмзәм сумен суарып, лебіз айтып шипалы
Қоймайтынсыз келгеннің мейірі қанбасқа.
Ақ халатты абзал дос жана берсін еңбегің,
Еміңді алған жақсының көңілінен сөнбегін.
Көргенің мен көңілге түйгеніңді топшылап,
Қол босыңда төгілдір қарасөздің өрнегін.