Өлеңдер ✍️

Аспанның әсем өлеңі –
Ақ бұлттар көшіп келеді.
Батыстан ұшқан Шығысқа
Ұзатқан қыздың желегі.
Күн сұлу Жерге нұр құйып,
Зеңгір көк балқып, тұр ұйып.
Ақ бауыр бұлттар жүзеді,
Көлдегі бейне тұңғиық.
Жап-жасыл жайлау, бұлттар ақ,
Сәулесі Күннің тұр тарап.
Ақбоз ат мінген ер жігіт,
Жайылған қойын жүр қарап.
Жайлауда таңды қарсы алып,
Жүректі билеп бар шабыт,
Жырымды жұрттан жасырған
Жартасқа айттым жар салып...