Өлеңдер ✍️

Жылмен жарысып жеттің бе?
Желге жабысып жеттің бе?
Туған топырағыңды иіскеп,
Жермен қауышып өптің бе?
Әлемнің шарлап шалғайын,
Жеттің бе Қараторғайым?
Ұяңды сайлап тербелер,
Туған жеріңде тал-қайың.
Жүрегің жанып жеттің бе?
Қанатың талып жеттің бе?
Оятып орман - тоғайды
Әуезді әніңді төктің бе?
Асқардан аңсап өттің бе?
Бұлттардан шаршап өттің бе?
Жеткенше жағың қарысып,
Сағыныш сазын төктің бе?
Наурызды алып келдің бе?
Сазыңа салып келдің бе?
Қарсы алып Қараторғайым,
Қуанып жүрміз, көрдің бе?