Өлеңдер ✍️

Қара көзің,
қара қасың ойнақтап,
жымыңдаушы ең кейде әлде не ойлап қап...
Сол сәтіңді көптен бері көре алмай,
алаңдайды бір нұрлы арман бойда аппақ.
Алаңдаймын көптен бері өзім де,
шоқ түскендей шоршып, әуре төзім де;
Бар бақытым
тұрғандай-ақ, қасыңда,
бар бақытым
тұрғандай-ақ көзіңде!
Ондайда отты естілетін сөзің де,
тоқтай соғып өтетұғын сезімге...
Нені болсын кейінірек аңсаймыз,
көре тұра бағаламай кезінде!