Өлеңдер ✍️

Керек пе деп едім,
өзімді мен саған.
Шықпаса дерегім,
шырқырап аңсаған.
Таң алды жететін,
самал боп мен естім.
Сен қажет ететін,
сияқты емессің.
Жақтырмай қимылым,
жақтырмай ісімді...
Күйреді күй бүгін,
көрген соң түсінді.
Көзің де салқындау,
сөзің де салқындау.
Қуанған жүрегім,
құр босқа алқынды-ау.
Кеудемде бұлқынып,
бір сойқан басталған.
Кіл таулар сілкініп,
қылады тас-талқан.
Кеудемде жыртылып
бұлттар көгені,
өзендер тартылып,
мұхиттар шөгеді.
Жем болып алғанға
қадырсыз , киесіз,
жатырмын жалғанда,
жатырмын иесіз...
Керек пе деп едім,
өзімді мен саған.
Шықпаса дерегім,
шырылдап аңсаған.
Таң алды жететін,
самал боп мен естім.
Сен қажет ететін
сияқты емессің.