Өлеңдер ✍️

Келе алмастан
бір пікірге байыпты,
көкірегіме
күдік торын жайыпты.
Неге саған
таға берем кінәні,
өзім болып
жүрмейін бұл айыпты.
Алдыменен
салайыншы ақылға,
кеткен саған
жоқ еді ғой ақым да.
Болмашыға
босқа күйіп кетпейік,
көп адасқан
жараспайды ақынға.
Көп адасу
жараспайды саған да.
Сен емес пе ең
көзімнің ақ, қарасы.
Неғыламыз
тұрмайтынға таласып.
Бар ашуым
бір-ақ сәтте жоқ болып,
қайта жақсы
көріп барам, қарашы?!