Өлеңдер ✍️

Кім айтқан
махаббатты тек қызық деп,
алады
сені өмірге тепкізіп көп.
Айтатын
ауыр-ауыр сөздері бар,
жіберер
сүйегіңнен өткізіп кеп.
Ол бірде
сені ардақтап, аялайды
Ал бірде
тосар алдан сая жайды.
Кейде бір
қарсы шауып, қатты кетсе,
етіңнен
ет кеседі– аямайды.
Көзіңнен
көл-дария ағызады,
онда оның
боздау болар нағыз әні.
Бүп-бүтін
жүрегінді бұзбай-жармай,
қанын да
қара жерге тамызады.
Ол талай
дүниені еткізді елен,
сөйтті де
белгілі сол кетті ізбенен.
...Ұнайды
бұл махаббат,
гүл махаббат,
өзіне
қолды оп-оңай жеткізбеген.