Өлеңдер ✍️

Мені сені
жылатпаудың қамындамын
жұбатар
келгенше әлі қалың бағым;
Өшіп бара жатсам да
бірте-бірте,
өзің үшін келеді жалындағым.
Бір уыс боп барасың
күннен күнге,
айналдың сен,
жаным-ау, кімнен кімге.
Жадырату
үшін мен жан-дүниеңді,
жарқырағым
келеді Күнмен бірге.
Жан едің ұқсаған бір,
еркем, гүлге,
сен солып
кетпес үшін ертең мүлде,
келеді аспанда
аққан жұлдызбен бір,
жарқ етіп
ең соңғы рет өртенгенім де...
Мен сені
жылатпаудың қамындамын,
сондықтан,
күндіз-түні жанындамын.