Өлеңдер ✍️

Сен үйде болмасаң,
бар көктем өткендей,
жыр жырлап жататын
құстар бір кеткендей.
Бар бұлақ суалып,
бар гүлдер қуарып,
түбіме жеткендей.
Сен үйде болмасаң,
бар қызық біткендей,
сорым да көрінер
қылтиып көрінер тіптен кей.
бар күлкі тиылып,
тұңғиық күткендей.
Сен үйде болмасаң,
күннен нұр қашқандай
жоқ болып кеткендей,
тұрған сол аспанда ай.
Лебінен түнгі ызғар,
бір түнек басқандай.
Сен үйге оралсаң,
бар көктем оралар,
оралар ай, Күнде,
ақ бұлт та– орамал.
Құстар да ағылар –
бар қайғы жоғалар..