Өлеңдер ✍️

Жұлдыздармен,
айларменен,
күндермен,
таңдарменен,
тал-түспенен,
түңдермен,
өзендерменен,
көлдермен,
бірге жасап
мен де мәңгі гүлдер ме ем.
Аясыңда
тірлік дейтін бір жазық,
соларменен
бір толар ма ем, бірге азып.
Солар ғұсап
жансам мәңгі, жайнасам,
қажеті де
болмас еді жыр жазып.
Әуреленіп,
оны-мұны ән ғылып,
жүрмес те едім
мен бұлайша мәңгіріп.
бірде әнге, бірде күйге толам көп,
о, мәңгілік, қайтсем бірге қалам деп.
Қызға ғашық болғыш басым ойлап па,
бір күндері– саған ғашық болам деп.
қызға ғашық
болғыш басым ойлап па,
Саған ғашық
боламын деп, Мәңгілік!
Аздау ақыл,
беріп молдау дәу дене,
қияннан сол
қызықтырып сол сәулеңе,
жетесің деп,
ал ұмыт деп шақырып,
салып қойдың
бітпейтін бір әуреге.