Өлеңдер ✍️

Сарыағашқа
сені іздеп келген едім,
шаруам не
су ішкен елде менің.
Көрмей жатып
жүрегім лүпілдеді,
хабаршысы
секілді әлде ненің.
Бұл өмірде көргем жоқ
кергіп тегі,
сәтім еді
көп болған мен күткелі.
Сен жүгіріп
қасыма келмеген соң,
шипалы су көңілімді сергітпеді.
Жүрегім де
тым қатты ұрып тұрып,
жіберді ғой күн
-түнді ұмыттырып.
Мен қуанып қасыңа бара алмадым,
бара алмадым
амалым құрып тұрып.
Жоғалта ма
бостан бос ерікті жан,
кеулеп кетті
кеудемді желік бір ән.
Сарыағаштың
кәусарын сылтау ғылып,
сағынғанда
мен саған келіп тұрам.
Сағынғаңда
мен сені көріп тұрам.