Өлеңдер ✍️

Жер бетінде келе жатыр бір жас қыз,
жел өтінде келе жатыр бір жас қыз.
Жермен емес,
толқындармен жүргендей,
тербетіліп келе жатыр бір жас қыз.
Гүлдей болып келе жатыр бір жас қыз,
күндей болып келе жатыр бір жас қыз.
Алыстардан аңсатып бір естілген,
үндей болып келе жатыр бір жас қыз.
Нұрдай болып келе жатыр бір жас қыз,
жырдай болып келе жатыр бір жас қыз.
Таңғы шықпен бірге тамған, үзілген,
сырдай болып келе жатыр бір жас қыз.
Жұмсақ қана түртіп жүрек бүлкілі,
қуаныштар көп лықсытты күлкіні.
Жер бетімен келе жатыр бір жас қыз,
«Мен ғашықпын!» деді сосын бір күні.
Қиқарлықпен қатты деме бұра тіл,
айтты деме болмайтын жөн, кұр ақыл:
кем көріп ем ғашықтардың бақытты,
дегім кеп тұр– асықпастан тұра тұр!