Өлеңдер ✍️

Көктемім менің бітпейді,
етпейді әсер ызғар да.
Көктемім менің бітпейді,
бетінде жердің қыз барда.
Көктемім менің бітпейді
түк емес оған зарың да.
Көктемім менің бітпейді,
бақыт пен шаттық барында.
Көктемім менің бітпейді,
көкірек, кеудем жиі ысып.
Көктемім менің бітпейді,
жүргенде жастар сүйісіп.
Қалады жүзім құлпырмай,
қапамын,
мүлде құсамын,
қыз тұрмай жайнап, гүл тұрмай,
құр тұрса бір сәт құшағым
Көктемім менің бітпейді,
бітірер кім бар кәнеки –
Бетке ап мен тұрған беткейді,
келеді қалқам әнеки..