Өлеңдер ✍️

Өткен күннің секілді бәрі өтірік,
ойға қалам әрі де, бері отырып.
Күлім қаққан жастарды,
Сондықтан да,
көрмегендей боламын көре тұрып.
Жаратқан соң жалынды далам бөлек,
құмарлық көп кеудемде, алаң да көп.
Көргенімді тұрамын көрмеген боп,
тағы босқа қиналып қалам ба деп.
Тілеген жан емес ем күндік пайда,
өткінші өмір мендегі мұңды ұқпай ма?
Көрінген соң жалған боп кетпейтұғын,
шындық қайда,
құдай-ау, шындық қайда?!