Өлеңдер ✍️

Елеңдеме, елеңде,
қыздар гүлдей өнеді-ау,
сенікі емес дегенде,
көңілім қалай көнеді-ау.
Қуанышым, «Күнім» дер,
қыздар,
қыздар күліндер,
қимай жүрген сендерді,
көкең барын біліңдер.
Жылға санап әр айын,
өкінбеймін өткенге.
Күзде тұрып қараймын
көп құлпырған көктемге.
Өзегімді өрт қамшылар,
кетсем сонда қызығып,
кірпігімде тамшылар,
таң шығындай тізіліп.
Бірақ та оны кім көрді,
көрмес жерге жеткен ем.
Сүйем келмес күндерді,
жылдарды да көптеген.