Өлеңдер ✍️

Білем, білем,
қалады жұрт қаламай,
өзге түгіл,
деп білемін мін– өзім;
елуден де асқаныма қарамай,
қыз таңдаймын,
қызық тіпті мінезім.
Бетім– быж-тыж,
жүрек лаулап жанбаса,
туламайды бұрынғыдай қан да аса.
Не болар ем.
қыздарды мен таңдамай,
құдай ұрып,
қыздар мені тандаса.
Сәл кідіріп,
шүкіршілік етемін,
көкірегіме әлде қайдан ауады от.
Қызды көрсем,
қайта жайнап кетемін,
әй, дауа жоқ,
маған әсте дауа жоқ!