Өлеңдер ✍️

Қалғып кетіп, мәңгілік ұйықтады да,
Ғазиз жүрек шынымен тоқтады ма?
Аспан мен Жер арасы күңіренді,
Періштелер Ақынын жоқтады да.
Өлең – Муза шырылдап өксіді ме,
Сөгіп жасын сұр бұлттар төкті неге
Жыр – ғұмыр Фаризасын іздеп дала,
Халқың да қара нардай шөкті, міне.
Тағдырыңды некелеп жырларыңмен,
Тербеп келдің әз – бесік сырларыңмен.
Қазақ деген халықтың намысы боп,
Атар таңдай арыңмен нұрланып ең.
Сен есінде қаласың Адамзаттың,
Тұнық, шыншыл, өр, рух жырларыңмен!