Өлеңдер ✍️

Жыр болып төгіліп,
Жанымды тербейді,
Көңіл – күй сөгіліп,
Шаттығым келмейді.
Жанымды жаншыды,
Ауыр ой мазалап.
Жүрегім шаншыды,
Жауапсыз жазалап.
Жоғалттым тағатты,
Іздеумен өзіңді.
Қылығым ағатты,
Болса кеш, сезімді.
Жалғаумен күн өтті,
Қажаумен төзімді,
Мазаң ой түнетті
Қасыма өзіңді.
Жұмар жердің өсінде,
Бейбіт елге теңелдің.
Туған жердің төсінде
Алшаң басып, кенелдім.
Байтақ жатқан елімнің
Перзенті көп сүйікті.
Адал, асқақ жерімнің
Басына бақыт үйіпті.
Бақыт пен ырыс– дәулетің
Еліме мәңгі орнасын.
Көбейіп халқым, әулетім
Жаратқан Алла қолдасын!
Өскелең жастар ән қылып,
Жетеді үні жаңғырып.
Аманат болар ұрпаққа
Елімінің тойы мәңгілік.
Жырымнан інжу шашамын,
Бақыттан асып– тасамын.
Қастерлі, асыл, туған ел.
Өркенде, өсіп, жаса мың!..