Өлеңдер ✍️

Ақ күмістер зергер көктен төгіліп,
Мен келемін, таңғы нұрға малынып.
Ағаш біткен өрнектейін өріліп,
Тұра қалған ақ моншақтар тағынып.
Алақанда әппақ– нұр тамшылайды,
Шабыт-жыр да жанымды қамшылайды.
Ақ тұманның ішінде... жалғастырған,
Аспан мен Жер арасын жарты қайғы.
Ақ тұманда Елеске сыр бөлемін,
Іздеп сені адасып жыр-өлеңім
Тіршіліктің таусылмас тауқыметі,
Сарсаң күнде сарғайып мың өлемін...
Ақ тұманда адасып мен келемін...