Өлеңдер ✍️
Өлеңдер ✍️
09.05.2022
1014
Жиендеріме
Айтарға қалай тіл жетсін,
Күміс бір қасты ілгексің.
Жарға ойнаған жиеннің
Тəтті екенін білмеппін.
Моншаққа толды өңірім,
Бетінен кетпес ерінім.
Ұл – мұрагер, қыз – өріс
Шөлімді басқан жерігім.
Əлдиін айтып келгенмін.
Əулие-Пірге сенгенмін.
Рулы ел боп ұл-қызым,
Бір Алла өзің дем бергін.
Жан Алла өзің жаратқан,
Ұрпақты сансыз таратқан.
Көркейте бер ел-жұртты –
Көзіңді алмай қазақтан.
Әлеуметтік желілерде бөлісіңіз:
Facebook | VK | WhatsApp | Telegram | Twitter