Өлеңдер ✍️

Оянып әр күндері күліп таңнан,
Күтіңдер қызық дәурен, үмітті алдан.
Біз бүгін құттықтауға келіп тұрмыз,
Сіздерді атқа мінер жігіт болған.
Ләйім елі сенген ер болыңдар,
Көтерер ауыр жүкті нар болыңдар.
Ата-баба абыройын аспандатып,
Ез болудан тегінде арланыңдар.
Кеудеде тұрсын дәйім алау жанып,
Бала шақ өтсін жайнап, жалаулатып,
Ата-әже, әке-шеше қасыңда боп,
Өмірге бала көзбен қарау бақыт.
Бейбіт күн жарқырасын жер бетінде,
Сәбидің арай жүзіп келбетінде.
Кемелхан мен Оңайша немересі-
Саян мен Сайран өсіп ержетуде.
Бұл өзі мұсылманға міндет делік,
Ер қазақ атандыңдар сүндеттеліп.
Жиналып үлкен-кіші бүгін тойға,
Ортада тұрсыңыздар құрметтеліп.
Тірліктен ойлы түйін жүрің түйіп,
Қашанда тумаласты сүйіндіріп.
Көтеріңдер қашанда, қарақтарым,
Әріпов әулетінің туын биік!
Жайқалың сол Әріптің бау-бағындай,
Өр болың Саян-Памир тауларындай.
Сайрандап, бал-бұл жайнап ғұмыр кешің,
Өмірде орындалып арман ұдай.
Денсаулық мықты болсын, шымыр болсын,
Таусылмас ұзақ-ұзақ ғұмыр болсын.
Пір Бекет,ата-баба, қолдап, қорғап,
Туған жер – атамекен тұғыр болсынІ