Өлеңдер ✍️

Арманым сен едің,
ардағым сен едің.
Өзіңсіз өмірім
күнгейсіз деп едім.
Көрмесем жабығып,
сарғайып, сағынып,
өзіңмен бір еді
бал арман, ақ үміт.
Қайырмасы:
Күндер-ай сағынған,
жалындаған,
қызғанған, еркіме
бағынбаған.
Жоқ бүгін махаббат
арманым да.
Шынымен жоғалтып
алғаным ба?
Не дейін көңілге,
түсім бе, өңім бе?
Кінəлі кім бұған,
өзім бе, өмір бе?
Жайнайын тағы да,
нұр құйып таңыма.
Киелі сезімім,
оралшы жаныма!
Қайырмасы.