Баталар ✍️

Отан қорғар жандарға,
Қанекей бата берейін!
Қолдарыңды жайың,
Үстем болсын мерейің!
Болмасын қайғы-қасірет,
Бар жақсыны нәсіп ет!
Жаратқаным жар болып,
Шырқап айтар ән болып,
Жолымызды ашық ет!
Отан қорғаушы ұландар,
Ел намысын тұғырлы ет!
Абыройың асқақтап,
Мақсатыңа бүгін жет!
Қиындықтар болмасын,
Бар жақсылық орнасын,
Әрбір күнің күлімдеп.
Аман болсын еліміз,
Елдігіміз, теңіміз.
Отанды бұл ғұмырлы ет!
Еліміздің ерлері,
Қуандырып ертеңі,
Таусылмасын жырың тек!
Жібек Искакова