Баталар ✍️

Құрметті Қазақстандықтар! Жақын арада 1 мамырда бірлік күні болайын деп жатыр. Соған орай бірлік, ынтымақ туралы баталар жинағы жарияланды.

Бірлік күні құтты болсын!

Бірінші мамыр бүгінгі,
Құтты болсын күн «бірлік!»
Бірлік күні қуантып,
Жалғасын тапсын бұл тірлік!
Әр отбасы шаттана,
Әрбір сәттен бақ тапсын!
Ұлт бірлігі сақтала,
Шуағы мол таң атсын!
Халықтардың достығы,
Сыйластықта жалғансын!
Көңілдердің тоқтығы,
Әр адамда орналсын!
Ынтымақтың шад күні,
Қатарынан қалмасын!
Мерекенің бақ гүлі,
Ұлғайтсын өз арнасын!
Жібек Искакова

Пайдалы сілтемелер:

• 
  
• Бірлік күні туралы Тақпақтар ✍️
  
• Бірлік күніне арналған құттықтаулар
  
• Бірлік күні туралы Өлеңдер ✍️
  
• Бірлік күні туралы Шығармалар
  
• Бірлік күніне баталар
  
• Бірлік күні туралы Эсселер ✍️
  

Бірлік күні ұлық күн,
Бар жақсылық орнасын!
Бірінші мамыр күні бұл,
Қуаныштар жалғансын!
Халықтардың достығы,
Қанат қағып самғасын!
Көп ұлтты қазақ елінде,
Еш жамандық болмасын!
Ынтымақ пен береке,
Таба берсін жалғасын!
Сыйластық пен мереке,
Жоғалтпасын арнасын!
Қазақ, орыс, өзбек пен,
Түрік, кәріс, қытай кең,
Сыйластығы жандансын!
Аспанымыз ашық боп,
Көп ұлт елге ғашық боп,
Бар жақсысын арнасын!
Ұлт қаймағы бұзылмай,
Күліп лайым жүзіңде ай,
Қанатыңыз талмасын!
Саулығымыз мықты боп,
Бірлік күні құтты боп,
Таба берсін жалғасын!
Жібек Искакова

Ынтымақ пен бірлік күн!

Құтты болсын ағайын,
Ынтымақ пен бірлік күн!
Көп ұлтты қазақ есінде,
Күн шуағы шашсын нұр!
Халықтардың достығы,
Ынтымақта мәңгі тұр!
Бірінші мамыр мереке,
Жанымызда мәңгі жүр!
Достық күні ынтымақ,
Қуанышты көңілге іл!
Уа қазағым, көп ұлттым,
Сыйластықта өмір сүр!
Аспанымыз ашық боп,
Шырқалсын бұл ән мен жыр!
Құт-береке көбейіп,
Оянайық таңмен бір!
Жүрегіміз ән салып,
Әлем елі таң қалып,
Тұрсын бізге салып үн!
Уа Жаратқан, Тағала,
Бізді әркез қолда бір!
Бірлігіміз жарасып,
Тірлігіміз оң болсын!
Мерекеміз жарасып,
Берекеміз көп болсын!
Көп ұлтты қазақ елінде,
Уайым-қайғы жоқ болсын!
Әр шаңырақ төрінде,
Құтты қонақ көп болсын!
Мерекенің күнінде,
Еш жамандық болмасын,
Жаратқаным жар болып,
Бар жақсылық орнасын!
Жібек Искакова