Өлеңдер ✍️

6 000 000 000 000 000 000!
Санап шығып осынау бір таңбаны,
Алты секстрильон тонна дер
Жер шарының салмағы.
(Т. МЕДЕТБЕКОВ. Дауыс. 5-бет)
Әркімнің бар басында бір арманы,
Келер сірә тарихта өшпей қалмағы.
Біреулер жүр тыным таппай күн-түні,
Талдауменен тастардағы таңбаны.
Әркімнің бар басында бір арманы.
Көрші барып қой өсірген ферманы
«Мал баққанның малдан басқа мұңы жоқ»,
Керегі оған – қошқарының салмағы.
Әркімнің бар басында бір арманы,
Санап көрші он сегіз ноль танбаны...
Келе жатыр қинауменен, ал, мені
Қара жер мен қара өлеңнің салмағы.